ඉන්දරේ සහ සංගීතය

ලඟදි මම පොඩි වැඩකට ඉස්කෝලෙකට ගිය වෙලේ , දැක්ක ලමයි වගයක් වයලින් සරපිනා උස්සගෙන එහෙ මෙහෙ යනවා ... පස්සේ බලන කොට O /L  විභාගේ ප්‍රයෝගික පරීක්ෂණ .... ඔන්න ඉතින් මටත් මතක් උනා , ඉස්කෝලේ කාලේ සංගීතයත් එක්ක තිබ්බ මගේ නොවන මගේම වය්රය .... මේ පොස්ටුව  ඒ ගැන ...

මේ කතාව පටන් ගන්නේ ඉන්දරේ පොඩි කොලු පැටියෙක් කාලේ ... ශිෂ්‍යත්ව විභාගෙන් ගොඩ ගිහින් කොළඹ ඉස්කෝලෙකට එන කාලේ ... ඉගෙන ගන්න තිබ්බ ඔක්කොම දේවලුත් හරි ... සවුන්දර්ය විෂයත් හරි .....ඒ  ඉස්කෝලේ සංගීතේ කලේ සින්දු කියන්න පුළුවන් එවුන් විතරක් නෙමෙයි ..චිත්‍ර , නැටුම් බැරි ඈයොත් කලේ සංගීතය ...

ඔන්න ඉතින් මුල්ම පරීක්ෂණයත් ආවා  කියමුකෝ ,,, ඒකෙන් තමයි ගායනය ද ,,,වාදනය ද කියල තෝරන්නේ ,,, මම ඉතින් පාඩම් කරගෙන ගියේ "අකුරු මැකී නෑ " සින්දුව ..... මගේ වාරේ ආවාම හරි බරි ගැහිලා කියන්න ගත්ත සින්දුව ... පේලි දෙකයි කියන්න හම්බ උනේ ...අපේ සංගීත මාස්ටරයා මර හඬ තැලුව .. "ඉන්දරේ ....ඔය ඇතී .... ඔයා වාදනය" කියල ,,,, බැල්මකින් මිනිහෙක් මරන්න පුළුවන් නම් , මාස්ටර් එතනම සෙත්ත පෝච්චි ෂුවර් එකටම ... ඇයි  අප්පා.. .චාටර් කරනවා කියල ඔහොමත්  කරන  සිරිතක් තියනවා යැ ...

කාලය ඉගිල්ලුනා ,,, O/L  කාලෙත් ආවා ... අපේ පන්ති බාරව හිටියේ සූටිම සූටි මිස් පොඩ්ඩක් .. මිස් කොයි වෙලෙත් මතුරපු මන්තරයක් තිබ්බ මේ ඉන්දරේ ගැන ... "ඉන්දරේ , මම දන්නවා ඔයා නම් පැටියෝ ..ඉස්කෝලේ ඉතිහාසයටම කවුරුවත් තියල නැති වාර්තාවක් එක්ක තමයි විභාගේ ගොඩ යන්නේ ...." ඔන්න ඔහොමයි අපේ ටීචර් පොඩ්ඩ ගෙ වරුණාව මම ගැන ... ඒ කලේ ප්‍රතිපල දුන්නේ D- විශිෂ්ට සමර්ථ , C - සම්මාන සාමාර්ථ  විදිහට ... ඒ කාලේ ප්‍රථිපල හැටියට D  8ක් එක්ක විභාගේ ගොඩ යනවා කියන්නේ මහා ලොකු සීන් එකකුත් නෙමේ ... ඉතින් ඔයාල දන්නවද අපේ ටීචර් පොඩ්ඩ මම තියයි කියල හිතන් හිටපු වාර්තාව .... ඉස්කෝලේ ඉතිහාසයේ පලවෙනි වතාවට ...විෂයන් 7 කට D  අරන් ,,ඉතුරු එක fail වෙයි කියල තමයි ඔන්න අනාවැකි පල කලේ ,,,දැන් ඉතින් ඔයාල දන්නවනේ ඇන  ගනියි කියල හිතපු සබ්ජෙක්ට්‍ එක ...

ඔන්න ඉතින් විහාගේත් ආවා කියමුකෝ ... ලියන ඒවා නම් ....බඩේ බත් වගේ ගොඩ ... මාස කීපෙකට පස්සේ ඔන්න ප්‍රයෝගික පරීක්ෂණය ...ඒ කාලේ විභාග වලට යන කොට අපේ පස්සෙන් අම්මල තාත්තල ආවේ නෑ ... ඒත් මේ ප්‍රයෝගික පරීක්ෂණය දවසේ දෙන්නම මගේ පස්සේ .... එයාලට බය හිතෙන්න ඇති මම මගින් ආපහු හැරිලා එයි කියල ...

 එක්කෝ එදා හිටපු පරීක්ෂකයෝ ඔක්කොම බීරෝ ... නැත්තම් මගේ පරණ ආත්මෙක පට්ටම පට්ට ණය කාරයෝ ටිකක් ... එකෙන් මේකෙන් ....කොල්ල වැඩේ ගොඩ දාගත්ත ... අපේ ටීචර් පොඩ්ඩ ගෙ අනාවැකිය ... කන ලඟින් ගිහින් ,,, D 7යි ,,, C 1යි... කොල්ල ගොඩ ....

පසු ලිපි: 33 කෝටියක් දෙවි දේවතාවුන් ඉන්න එකේ , හදිස්සියේ හරි එක උත්තමයෙක්  ඇවිල්ල , ඔන්න මගෙන් ඇහුවොත් කොහොමද ... "ඉන්දරේ ... ඔයාට නැති හැකියාවක් ඉල්ලන්න වරයක් තියනව " ,,, කියල . මම එක පයින් ඉල්ලන්නේ .. "අනේ දෙවියනේ .. බොන්ගෝ එකකට පොඩි තට්ටුවක් දාලා.. තාලෙට සින්දුවක් කියා ගන්න පුළුවන් විදිහේ සප් එකක් දෙන්න බෙරිද ? " කියල ...

හැබැයි ඉතින් දැන් පොස්ටුව කියවන ඔයාල අහයි .. " හරි ,,,දැන් මේක ඇයි අපිට කියන්නේ ..." කියල ...මෙන්න මේකයි සීන් එක ... මට පල දීල තියන කරුමෙම පල දීපු තව කවුරු හරි ඉන්නවා නම් ,.. ප්‍රසිද්දියේ නැතත් ...ශේප් එකේ පණිවිඩයක් එවන්න හොඳේ ... මොකෝ දෙයියන්ගෙන් උනත් තනි තනියෙන් යමක් ඉල්ලනවට වඩා ... එකතු වෙලා ඉල්ලන එකේ පොඩි බරක් තියනවා ... නැද්ද මම අහන්නේ ... :)